Heppin kona á höfuðborgarsvæðinu var ein með allar tölurnar réttar í fjórföldum lottópotti síðastliðinn laugardag. Þó mátti minnstu muna því konan, sem spilar reglulega með frestaði því ítrekað í vikunni að kaupa sér miða. Á laugardeginum var hún á ferð í bíl með eiginmanni sínum og rak þá augun auglýsingaskilti frá Lottó og lét verða af því að grípa símann og kaupa sér miða á netinu.
Fyrir vikið vann hún pottinn sem endaði í rúmlega 55,6 milljónum króna.
Aðspurð segist sú heppna ætla að greiða niður lán og styrkja valin góðgerðarmál en einnig aðstoða börn og barnabörn og láta drauminn loks rætast um að bjóða þeim öllum saman til útlanda. Þótt allt hafi farið vel að lokum er þeim spilurum sem eru gjarnan á síðustu stundu bent á að auðvelt er að gerast áskrifandi á vefsíðunni lotto.is eða í lottóappinu.
Starfsfólk Getspár/Getrauna óskar fjölskyldunni innilega til hamingju og þakkar um leið veittan stuðning sem skiptir gríðarlega miklu máli fyrir fatlað fólk, sem og íþrótta- og ungmennafélögin í landinu þar sem þau njóta góðs af allri sölu Lottó.
